Robredo nagbalyo na nin voter’s precinct sa Naga

Pasiring na sa posibilidad na magcandidatong alcalde sa Ciudad nin Naga si dating Bise Presidente Leni Gerona Robredo sa maabot na eleksyon sa Mayo 2025 matapos kumfirmaron ni Comelec Officer Maico Julia Jr. na nagbalyo na nin voter’s registration sa Barangay Concepcion Pequeña.

Si Robredo nagrehistro sa Comelec kan Ciudad nin Naga kan Abril 27, 2024 hale sa Barangay Carangcang, Magarao, Camarines Sur.

An media sa Naga dati nang nagbabantay sa Comelec alagad otro aldaw nang naaraman kan magrehistro alas 3:00 nin hapon Sabado, Abril 27 asin kinumfirmar kan Election Officer sa ciudad.

Sa mga pahayag kan dating bise presidente saiyang piglinaw an pagbalyo niyang voter’s registration bako pang kasegurohan na madalagan bilang alcalde envez yaon pa an opsyon na mag-congresista sa tercer distrito o sa senado.

Alagad an ibang mga politico dakula an pagtubod na dagos nang macandidato sa ciudad.

Si Robredo asin an negosyanteng Fortunato ‘’Tato’’ Mendonza nagkaulay na bilang pag-andam sa eleksyon sa sunod na taon.

An kampo ni Alcalde Nelson Legacion nagpahayag na kun madagos an dating VP saiyang deretso kun magcandidato sa ciudad.