top of page

SA 2024: P1.6-B budget kan City Hall

Pigtalaan kan Sanggunian Panlungsod na antes magtiklop an Deciembre 2023 saindang maaprubaran an 2024 proposed annual budget na nagcacantidad nin Php1.6 bilyon na mas halangkaw nin Php133.4-M kumpara sa presenting 2023 budget na P1,502,108,503.00.


Si Consejal Joselito Del Rosario, Vice Chairman kan Appropriation Committee kan SP nagpahayag na sa pigsumiter na Php1,635,574,882.00 proposed annual budget ni Alcalde Nelson Legacion kan Oktubre 16, 2023 pigserne kan saindang komite mala ngani si ibang mga department kan City Hall nagsumite kan pagpalangkaw kan saindang budget alagad dai gabos inaprubaran mantang apektado man an ibang department/division o mga opisina kan ciudad.


Nagkaigwa sinda nin sunod-sunod na committee hearing sa gabos na department asin division office kan City Hall.


Piglalaoman na malangkaw an ingreso kan ciudad para sa 2024 matapos makabawi sa koleksyon sa buwis huli kan epekto kan pandemya. Sa local collections target an maabot sa P517-M mantang P327-M hali sa business tax asin sa property real tax - P113-M.


Sa proposed budget gagamiton para sa finance Economic Services na igwa total na P506.M nganing fondohan an mga proyecto siring maintenance, solid waste, agriculture, environment, employment and livelihhod.


Nagtagama nin P229-M na fondo hali NTA na gagamiton para sa priority developments project para sa wastewater treatment facility sa Naga City People’s Mall, fondo para sa bagong mga school building, right of way para sa proyecto sa patinampo, asin solar street lights sa Peñafrancia Ave.


Sa General Administration and support Services igwang fondong P506-M mantang sa social services igwang P369-M kabali digdi programa sa health, education, welfare, shelter, asin sa civil registration department.

bottom of page