SA 3rd IMPEACHMENT CASE VS DUTERTE: Mga kaalyadong diputado ni PBBM sa Bicol paleman-leman

Ano nangyari sa mga kaalyado na Bicolanong diputado ni Presidente Ferdinand R. Marcos Jr. digdi sa Bicol envez na piglalaoman sinda ma-endorsar kan 3rd impeachment case laban ki Bise Presidente Sara Duterte alagad si Representante asin Assistant Minority Leader Gabriel H. Bordado Jr. iyo an nag-endorsar asin Rep.Lex Anthony Colada.

An sinambit na caso nagsunod pakatapos kan enot na duwang impeachment complaints na magkasuway sinangat contra ki Duterte kan Akbayan party-list, civil society groups, Makabayan Bloc asin progresibong organisasyon.

Ini an mga kahapotan ni Consejal Vidal Castillo kan Sangguniang Panlungsod sa Ciudad nin Naga maging si enot asin ika-duwang impeachment case sagcod sa ngunian silencio pa.

Nagtutubod si Castillo na nag-endorsar an representante kan tercer distrito kan Camarines Sur na suportaran an 3rd impeachment case contra ki VP Sara huli ta pusog an mga evidencia na pig-presentar kan mga complainant.

Igua man nagsabi na posibleng ‘‘paleman-leman’’ sana an mga Bicolanong kaalyado na diputado ni Marcos.

Nagkaperang pade kan simbahan Catolico Romano, religious group, asin mga abogado an nagsangat kan third impeachment case huli sa alegasyon sa ‘‘misuse of confidential funds.

Si Abogado Amando Virgil Ligutan representante kan mga nagsangat kan ika-tolong caso kan Deciembre 19 sa Office of House of Secretary General Reginald Velasco.

Kabale sa listahan bilang mga complainants iyo an anom na mga pade hale sa Diocese of Novaliches, Order of Carmelites asin Congregation of Mission, leaders of non-government organizations, Stop Corruption Philippines asin Stand up for God Rosary Group, Union of People’s Lawyers in Mindanao.

Sinabi ninda ‘‘We are citing culpable violation of the constitution. We are also invoking betrayal of public trust, plunder, malversation, technical malversation and bribery’’, sabi ni Ligutan.