SA 81ST IB: Saro naman na LGU pigdeclara kan Phil. Army bilang SIPS

Saro naman na municipalidad na nasa area of responsibility kan 81st Infantry Battalion kan Philippine Army pig-proclamar na bilang Stable Internal Peace and Security (SIPS) Status kan nakaaging Hulyo 20, 2026.

An municipalidad na ini iyo an Sipocot, Camarines Sur na pinangenotan kan 81st IB an actividad, Alcalde Tomas Bocago, PNP Camarines Sur sa pamamayo ni Provincial Director Tyrone Dotimas, PLt Col. Dino Ben Regaspi, PMaj Antonio Per, Jr., DILG, Philippine Coast Guard asin iba pang ahencia.

Nagpasalamat man an jefe ejecutivo kan LGU Sipocot sa pagmaigot kan mga ahencia nin awtoridad nganing maging establi laban sa insurhencia.

Dai palang nahahaloy apat na mga municipalidades sa Camarines Norte na nasa AOR kan 81st IB an pigdeclara bilang SIPS mantang piglalaoman na igua pang ibang masunod na municipalidades na dai paman nginaranan.

Pigserne kan mga ahencia kun calificado na an sinambit na banwaan sa SIPS asin napatunayan kan lokal na gobierno, Philippine Army, DILG asin iba pang ahencia na libredo na sa problema sa insurhencia.

Sa perang bulan na mantenido kontra insurhencia nagkaigua ngona nin mga consultasyon kabale an comunidad asin naheling na mayo na nin problema sa mga kalaban kan gobierno.

An an insurhencia perang taong nagdadanay huli ta sa report kan Phil. Army dakul na an mga nagsusuroko dara an saindang mga armas maging sa mga encuentro dihado na, sabi kan PA.

An PPO Camarines Sur padagos an saindang suporta sa Philippine Army, lokal na gobierno nganing matapos na an haloy na problema sa insurhencia.