top of page

SA 9TH ID: Insurhensiya sa Bicol target taposon sa Hunyo 2024

Camp Elias Angeles, Pili, CamSur --- 55 anyos nagdadanay na an CPP/NPA sa nasyon, an problema sa insurhensya bakong pacil na mapuho alagad target kan 9th Infantry ‘‘Spear’’ Division, Philippine Army na taposon digdi sa Kabikolan sa Hunyo 2024.


Ini an mga pahayag sa entrevista kan Bicol Mail ki Army Major Frank Roldan, parapahayag kan 9th ID sa tahaw kan saindang pinakahuring datus na maabot na sa 344 miembros kan New People’s Army (NPA) na neutralize asin igua nang 85 manlaen-laen armas an nakumfiscar sa mga nangyaring encuentro poon kan Enero hasta Abril ngunian na taon. Kabale sa mga nakumfiscar na armas iyo an 60 high powered firearms; 23 low-powered firearms asin 209 pampasabog.


Sa ngunian natatada nalang an kulang sa sarong guerilla front na padagos nang nagluluya an grupo mala ngani dai na makaconducir kan saindang tactical offensive laban sa fuersa kan gobierno. Huli kaini, piglalaoman kan 9th ID na tataposon na ninda an insurhensya sa rehiyon, sabi pa ni Roldan.


An sunod-sunod na operasyon asin mga estratihiya kan 9th ID laban sa kumunistang grupo nganing makamtan kan comunidad an tunay na katuninongan.


Pera nang administrasyon an nagprobar na mapuho an insurhensya asin posibleng mangyari na digdi sa Bicol huli sa cooperasyon kan comunidad maging kan panahon kan Martial Law ni dipuntong diktador Ferdinand Marcos alagad nagkusog an organisasyon kan CPP/NPA


Napilayan pa an rebeldeng grupo matapos ideclarang natunaw na an Sub-Regional Unit Guerilla 3, Sub Regional Committee 3, BRPC kan nakaagi sanang bulan nin Marso 2024.


Afuera pa ini kan mga enot na encuentro sa mga nakaaging jefe kan 9th ID perang taon na an nakakaagi.


Igua nang 37 nagsurokong rebeldeng NPA mientras 391 suportadores, 28 mga encuentro sa pag-ultanan kan tropa kan gobierno asin kan mga rebelde sa kaparejong peryodo.


PNP kasurog Bicol

Comments


bottom of page