SA ANTI-POLITICAL DYNASTY: Mga candidato sa SK nagrerespito sa ley

Nagtutubod an Commission on Election (Comelec) sa Ciudad nin Naga mantang perang taon na an SK Reform Law sa Anti-Political Dynasty Provision deretso na an listahan kan mga opisyal na candidato sa Sangguniang Kabataan na nag-file kan saindang candidatura para sa eleksyon sa Oktubre 30.

Alagad mahalat pa an Comelec kan ciudad sundo sa pagtapos kan pirilian kun igwang protesta sa pagbalga kan Anti-Political Dynasty base sa SK Reform Law, sabi ni Election Officer Atty. Maico Julia Jr.

Pitong jovenes na nagplantiar kan saindang certifico de candidatura alagad amay nadiscobre kan commission na nagdadaya ibinasura an candidatura. Ini kinababalihan nin over age, kulang sa edad asin dai rehistrado bilang botante kan ciudad alagad dai naman nagdagdag.

Sinabi pa kan Election Officer an ley nagsasabi an arin man na posisyon na macandidato dapat mayong napipinsanan na elehidong opisyal poon sa ‘‘2nd degree of consanguinity or affinity to any incumbent elected barangay, city municipal provincial or national official’’

An Comelec kan ciudad antes pa kan filling kan COC sa Barangay asin Sangguniang Kabataan haloy nang nagpatanid na bawal an politica dynasty.

Nagpatanid paman si Julia na matapos kan filling kan COC kan Septiembre 2, 2023 prohibido na dai pa tinutugot an amay na pagkampanya mientras na an campaign period masikad sa Oktubre 19 hasta Oktubre 28, 2023.

Sa listahan kan Comelec kan Naga igwang total na 1,069 na mga candidato sa barangay asin SK. Sa punong barangay igwang 66; barangay kagawad 607; sa SK Chairman – 68; asin sa SK kagawad – 428.