SA BICOL PNP: Pagbubukas klase sa Bicol matuninong si paz y orden

Matuninong si paz y orden sa pagbubukas nin klase sa mga pribado asin pampublicong escuelahan kan Hulyo 29, 2024 alagad dai naibitaran si pagkagurubot kan bulos nin trafico sa mga vicinidad kan mga escuelahan.

Dakulang tabang an mga nagkuriyat na mga kapupulisan nganing magmantenir kan paz y orden.

Ini base sa mga tiniripon na report kan Police Regional Office 5 sa pamamayo ni BGen Andre Dizon hale sa anom na provincia kan Kabikolan sa tahaw kan maabot sa doce mil na kapupulisan an pigwarak sa mga escuelahan asin nagmantenir sa trafico nganing maseguro an seguridad nin mga estudiantes asin paratukdo.

Si Dizon, iyo an nangenotan sa paglibot sa manlaen-laen na escuelahan nganing maseguro an dalagan kan paz y orden.

Nagbugtak pa nin mga Police Assistance Desk sa maabot sa 4,000 na escuelahan mantang iguang maabot sa 1.3 milyon na enrollees sa anom na provincia kan Kabikolan.

Inumaw kan jefe kan Bicol PNP an saindang personajes nganing dagos-dagos an police visibility maging sa laog kan compound kan mga escuelahan.

Pinangenotan ni BGen Andre P. Dizon, regional director kan PNP Bicol an paglibot sa mga escuelahan nganing maseguro an paz y orden asin seguridad nin mga estudiantes. (Retrato kan PNP Kasurog Bicol)