SA BRIGADA ESKWELA: Manga kontrobersiya hinali na sa DepEd CSur

Igwa nang pagbabago an Department of Education (DepEd) sa nagpapadagos na Brigada Eskwela na pigponan kan Lunes, Agosto 14, 2023 na saro na digdi an pagtunaw na kan kompetisyon sa mga escuelahan, boluntaryo an pagparticipar kan mga magurang iba pang stakeholders saka mayong hahagadon na kontribusyon.

Si Salvador Pelingo, public information officer kan DepEd Camarines Sur nagpahayag mantang burokasan na nin klase sa Agosto 29 saro sa mayor na actividades iyo an Brigada Eskwela alagad si mga kontroversyal na isyu hinali na.

Dinagdag pa kan DepEd puedeng magboluntad sa brigada sa laog nin duwang oras alagad si mawot magdanay mayong problema.

An isyu sa kumpetisyon saro sa reclamo kan mga magurang huli ta igwang donasyon nganing mas magayon an saindang kapalibotan asin classrooms alagad igwang donasyon na mag-abot mayong problema mantang dai na sinda maimponer kaini.

Kabali sa mga dating dinadara sa escuelahan kan magurang siring kan pintura, materiayales kan mga raot na kisami asin atop asin iba pa. An sinambit na donasyon parte kan saindang participasyon bako lang sa paglinig kan classrooms asin kapalibotan.

Naging kontrobersyal an sinambit na isyu kan taon 2022 na dai na dapat mangyari ngunian na school year 2023-2024.

Sa Ciudad nin Naga, Ka-partner kan DepEd Division digdi iyo an Legislators Medical Caravan na pinapangenotan ninda Senador Risa Hontiveros, Congressman Gabby Bordado asin dating VP Leni Robrero.

Mientras tanto, piglalaoman na malangkaw an enrollees sa mga public school sa Camarines Sur sa burokasan nin klase sa Agosto 29, 2023 para sa school year 2023-2024.

Kan nakaaging school year labi sa 500,000 alagad puedeng maglangkaw pa an populasyon mantang buelta na sa face-to-face classes.

An Camarines Sur saro sa apat na extra large sa nasyon na may halangkaw nin populasyon. (dpa)