SA CASURECO II: Orden kan ERC sa paghuros kan tarifa madiklom pa- sabi

Dai pa nag-iimplementar nin ‘‘refund’’ sa tarifa nin kuryente an Camarines Sur II Electric Cooperative (Casureco II) sa pinaluwas na orden kan Energy Regulatory Commission (ERC) na petsado Abril 17, 2023 huli sa kawaran nin kwentada sa ibababang singil sa tarifa cada kWh.

Paanom nang bulan ngunian na Oktubre 2023 mayo pang kasimbagan an ERC kun pera an saindang ‘‘computation’’ nganing iimplementar kan cooperativa, sabi kan Casureco II sa paagi kan saindang opisyal na parataram Rinner Bucay.

Perang veces na kaming nag-follow up alagad mayong kasimbagan an ERC sa pamamayo ni Chairman Monalisa Dimalanta, segun pa sa manijamiento kan cooperativa nin elctricidad.

Mayong malinaw sa orden kan ERC kun siisay an dapat magkuyog sa refund order mantang an pigcucuestion kan ahencia iyo an overcharging sa generation charge na dapat asumiron kan power suppliers.

Sinabi pa ni Bucay haloy na sindang nakasumiter nin verify explanation alagad haen na an computation sa tarifa kun nuarin asin gurano an refund?

Sa orden kan ERC dapat iimplementar tolos nganing ibalik sa consumedores nin kuryente an sobrang singil poon kan Mayo 2015 sundo sa huring electric bill kasunod kan desisyon kan ahencia.

An manijamiento sunod-sunod na an paghuros kan tarifa sa kuryente mala ngani cantidad na sanang P6.00 an saindang singil sa tarifa alagad sagcod sa ngunian dai pa sinda nakakarecibe kan computation kan ERC . (dpa)