SA CASURECO II: Pagsuspende sa ''disconnection'' may epekto sa consumedores

Nagtutubod an Camarines Sur II Electric Cooperative (Casureco II) Inc. na bako sa cooperativa an apektado envez an miembros consumedores sa pinaluwas na directiva kan Energy Regulatory Commission (ERC) sa iimplementar na consumer relief measures o pagpangalad sa ‘‘disconnection’’ sa mga consumedores na dai tolos nakakabayad kan saindang electric bills poon bulan nin Mayo hasta Hulyo 2026.

An dahilan matatambakan sana nin mga electric bills an mga miembros consumedores asin madificilan makabayad kan saindang obligasyon. Igua nganing sarong bulan sana dai nakakabayad na inaabot pa nin sagcod sa duwa asin tolong bulan na mapipiritan nang mag-implementar nin ‘‘disconnection’’ an cooperativa nin electricidad, sabi ni Rinner Bucay an opisyal na parataram kan Casureco II.

Bako lang residential alagad kabale digdi si mga commercial consumers na sinuspende an disconnection, segun sa ERC.

Piglinaw ni Bucay na mayong pro blema sa cooperativa ciertong masunod sinda sa directiva kan ERC. Alagad sa lado kan ahencia parte ini kan declarasyon sa state of national emergency sa nasyon.

Nagtutubod sinda na an lakdang na ini kan ERC sa tahaw kan mga tuyaw sa sainda kan nagkaperang lehislador tano ta halabaon an listahan kan mga ‘‘charges’’ sa mga electric bills.

An nangyayari an mga cooperativa sana an nagcocolecta o ginigibong collector bako man sinda an nakikinabang.

Casureco II lineman nagpuputol kan sanga nin mga kahoy nganing maibitaran an biglaan na mga pagpalsok nin kuryente. (C-II FB)