SA CIUDAD NIN NAGA: Voter registration sa Nov '26, iginilid ngona

Sa tahaw kan pag-andam kan Commission on Election sa Ciudad nin Naga para sa nakatalaan na plebisito sa Highly Urbanized City (HUC) sa Noviembre 21, alagad sinabi ni Atty. Maico Julia Jr., Election Officer kan ciudad na iginilid ngona ninda ngunian na Noviembre 2026 an Comelec Registration mantang nagsisibot sinda sa nakatalaan na plebisito kan ciudad.

An Comelec nagtalaan kan Nationwide registration poon sa Noviembre 10, 2026 hasta Hulyo 30, 2027 alagad sa Ciudad nin Naga dai ngona nagbale mientras nagpapadagos an saindang preparasyon sa nakatalaan na plebisito sa HUC sa Noviembre 21, 2026.

Sa ibang mga banwaaan pwede nang ponan an voter registration kan Commission on Election poon sa Noviembre 10, 2026 hasta Hulyo 30, 2027 cada aldaw nin Martes hasta Viernes.

Bako lang sa opisina pwedeng gibohon an pagpalista nin botantes envez matalaan sinda nin Satellite/Mall Registration, ‘‘Register Anywhere Program’’ asin ''Special Register Anywhere Program’’.

An Comelec kan ciudad asin Naga City Police Office (NCPO) padagos sa mga pag-andam sa paz y orden mala ngani poon kan Oktubre 19, 2029 nagsikad an saindang Comelec Check point sa padagos na implementasyon kan Gun Ban.

An PRO5 nagpahayag man kan saindang pagsuporta sa pagmantenir kan paz y orden nganing macierto an matuninong na plebisito sa Naga.