SA COMELEC: Pabor isabay an plebisito sa HUC sa BSKE kun mag-isyu nin TRO ang SC

Andam an Commission on Election (Comelec) sa Ciudad nin Naga na isabay an plebisito sa Highly Urbanized City sa Deciembre 2026 envez kan Noviembre 21, 2026 kun paboran kan Corte Suprema an petisyon ni Atty. Romulo Macalintal na mag-isyu nin TRO laban sa Acta Republica 12326 o pag-uktaba kan Barangay Sangguniang Kabataan Elections (BSKE) sa Noviembre 2028 hale sa dating Noviembre 2, 2026.

Alagad magdedefende sa City Hall kun papaboran na isabay sa BSKE sa Deciembre 2026 kun mag-isyu nin TRO an Corte Suprema, sabi ni Atty Maico Julia Jr., Election Officer sa ciudad.

Kun idagos sa Deciembre 2026, sinabi ni Julia pabor ini sa ciudad mientras nag-agi na sa mga seminar si mga paratukdo sa pagserbe sa BSKE asin iba pang mga actividades kan Comelec asin mga macandidato.

Dati nang pigtalaan an plebisto kasabay kan BSKE sa Noviembre 2 alagad pinirmahan ni Presidente Ferdinand Marcos an pinasar na bill sa senado sa pag-uktaba kan BSKE sa 2028.

An campaign period sa plebisto pigtalaan kan Comelec kan Uktobre 19 hasta Noviembre 19, 2026.

An petisyon ni Macalintal sinangat sa SC kan Septiembre 27, 2026 alagad hinahalat man an desisyon kan pinakalangkaw na korte sa nasyon.

Pinirmahan ni Marcos an RA 12326 kasabay kan premirong aldaw nin pagsangat nin certificate of candidacy kan mga macandidato sa Barangay asin Sanggunian Kabataan.

COMELEC CHECKPOINT. An Naga City Police Office padagos sa mga ginigibon checkpoint nganing implementar an gun ban sa panahon kan campaign period hasta sa plebisito sa Noviembre 21 para sa HUC. (NCPO)