SA DA BICOL: Pag-andam kan mga paraoma sa El Niño

An Department of Agriculture (DA) sa Bicol padagos an saindang campanya sa mga paraoma na magtanum nin amay mantang segun sa Philippine Atmospheric, Geophysical and Astronomical Service Administration (PAGASA) maepekto an ‘‘Super El Niño’’ sa ika-apat na cuarto ngunian na taon.

Alagad sinabi ni Lovella Guarin, opisyal na parataram kan DA Bicol, igua pa nin mga pag-uran ngunian na bulan makakatabang pa ini sa pagtanum gulayon maging sa paroy.

Nagsuplay nin banyera an ahencia sa mga paratanum nin gulayon nganing makatipon nin tubig uran mantang nagdistribuer pa sinda nin libreng seedlings sa mga barangay. Afuera pa kaini, yaon an irrigation support kan ahencia sa paagi kan National Irrigation Administration.

Sa monitoring kan ahencia sa mga barangay dakul nang paraoma an nagtanum nin amay nganing dai aboton kan mainit na panahon.

Segun sa report kan PAGASA ngunian na 2026 maabot sa 92% an posibleng Super El Niño sa huring mga bulan kan taon. Alagad an delicado huli kan mga pagbagyo na makusog kun mag-landfall mantang yaon pa an mangyayaring mga pag-uran huli kan habagat.

Mientras tanto, sa Pili, Camarines Sur sa National Food Authority (NFA) padagos an saindang pagpabakal kan P20 nin bagas alagad limitado lang sa 100 an numero nin makakabakal sa maghapon.