SA DEPED BICOL: ARAL program masikad na ngunian na Agosto '26

MasikaD ngunian na Agosto 2026 an implementasyon kan ARAL (Academic Recovery and Accessible Learning) Program kan Department of Education (DepEd) Bicol na may nakatagamang fondo na nagcacantidad P177-M para sa printing material sa klase kan envueltong estudiantes.

An fondo na hale sa saindang opisina sentral ididistribuer sa mga school division sa anom na provincias kan Kabikolan.

Ini an kumfirmasyon sa press conference kan sarong aldaw na pinaapod ni Regional Director Gilbert Sadsad na an mayor na katuyohan kan ARAL program nganing makatao nin dugang na interbensyon sa mga nag-aaradal na maninigong makahabol sa pigtutukdo kan saindang maestra o maestro.

An ibang kabale digding estudiante iyo si maluyang magbasa mantang makua nin ibang paratukdo nganing makatabang sa nag-aaradal.

Alagad piglinaw kan director na kaipuhan aramon ngona kun arin na mga escuelahan na iguang estudiantes na kaipuhan magpalista sa ARAL program nganing matabangan.

An mga volunteers na paratukdo iguang marerecibing honorarium hale sa ahencia.

An DepEd padagos nang nakakarecibe nin mga calificadong aplicanteng paratukdo na maging parte kan ARAL Program. Sinda dapat sarong education graduate, licensed professional, pre-service teacher, o calificadong paratukdo. Alagad pwede pa si mga retirado nang paratukdo.

An ibang opisyales kan Parent Teachers Association nagpahayag nin suporta digdi huli ta iguang ibang estudiantes na nakatapos nin high school alagad dai nakakaderetsong magbasa.