SA DOH BICOL: RHU vaccination teams, padagos an barakunahan

An tarabangan kan mga Rural Health Centers sa Rehiyon Bicol dakulang bagay nganing aboton na sa 300,00 na mga kaakian an nagpabakuna contra sa tigdas asin rubella hasta ngunian na semana mantang target kan ahencia an 647,092 na mga kaakihan.

An numero kan mga nabakunahan bako pang opisyal mientras nagppadagos pa an bakunahan sa mga barangay sa Rehiyon Bicol.

Alagad ipapaluwas an datus sa paagi kan Bulletin No. 2026-003 kan 2026 Ligtas Tigdas Measles-Rubella Immunization Activity.

An Department of Health sa Bicol naglansar kan ‘’Ligtas-Tigdas’’ kan premirong semana ngunian na bulan nin Agosto 2026 alagad halangkaw an numero kan mga nababakunahan huli sa cooperasyon kan mga opisyales kan RHUs, Barangay Health Workers, BNS, barangay councils asin sa suporta kan mga magurang.

Si DOH Bicol Assistant Regional Director Doc Rey Millena asin iba pang opisyales padagos an libot sa manlaen-laen na provincia digdi sa Bicol nganing pakusogon an saindang campanya sa pagbabakuna sa kaakian.

An DOH Bicol nagpapasalamat sa cooperasyon kan mga RHU Vaccination Teams, BHWs, BNS, asin Barangay Councils.

LIGTAS TIGDAS sa Milaor, CSur padagos an cooperasyon kan mga magurang nganing mabakunahan an saindang kaakian para sa proteksyon kan saindang salud. (RHU Milaor)