SA DOH BICOL: Sampolong LGUs halangkaw an porcientahe kan nabakunahan

An Department of health Bicol Center or Health Development nagtutubod na igua pang ibang mga lokal na gobierno sa Bicol nganing makaayon sa grupo na nasakat tolos sa 95% target sa Ligtas Tipdas Measles Rubella Supplemental Immunization Activity.

An mga Ciudades/Municipalidades naabot tolos an 95% nabakunahan na mga kaakian asta ngunian na huring semana kinababalihan kan Jovellar, Albay – 104.59%; Mabo Masbate – 100.97%; Mandaon, Masbate – 100.75%; Ciudad nin Legazpi – 98.39% - Guinobatan, Albay – 97.83%; Daraga, Albay – 97.55%; Ciudad nin Ligao – 97.44%; Baleno, Masbate – 96.76%; Camalig, Albay – 96.36%; Rapu-Rapu, Albay – 95.96%.

Pasalamat an DOH Bicol huli sa suporta kan LGUs nganing maenganyar an mg magurang na madara tolos an saindang kaakian sa vaccination center makaskas na maabot an halangkaw na porcientahe nganing maprotehiran an salud asin makusog contra sa ligtas sa helang.

Nagpapadagos an barakunahan sa mga kaakian na nag-eedad na 6 hasta 59 na bulan sa saindang health center o vaccination site. An target kan DOH dapat masakat an 95 porcientong mga kaakian na mabakunahan.

Maabot sa 650 mil an target kan ahencia na mabakunahan sa suporta kan mga opisyales de barangay, LGUs orog na an cooperasyon kan mga magurang.