SA FLUVIAL PROCESSION: Heneralmenteng naging matuninong si paz y orden

An PRO5 sa pamamayo ni Regional Director BGen Randy Glenn Silvio nagkumfirmar na heneralmenteng naging matuninong si paz y orden si enabot nin matangang fluvial procession ki Nuestra Señora de Peñafrancia kan Sabado, Septiembre 19, 2026.

An presencia kan augmentation force asin miembros kan Naga City Police Office dakulang bagay naging epectivo an dalagan kan paz y orden siring kan ginibong Traslacion procession.

Mismo si BGen Silvio asin City Director Col. Rizaldy Caballero iyo an nagsupervisar kan saindang tropa na nakadestino sa ginigibong fluvial procession asin iba pang mga lugar mantang katuwang an Philippine Army, Coast Guard asin iba pang ahencia nin gobierno.

Nagtutubod pa an pamayo kan Bicol PNP na dapat maggibo pa sinda nin mas epectivong seguridad mantang inabot sa 1.2-M si mga devotos asin mga bisita sa panahon kan fluvial procession na mas nagduble pa kun ikukumpara sa nakaaging Traslacion procession.

Premirong nangyari sa pera nang decada na inabot nin alas 10:20 nin banggui nakaabot sa hawasan an Fluvial procession. Hinalat kan simbahan na maglangkaw an tubig sa Naga River nganing dai makaulang sa dalagan sa salog an Pagoda ni Ina.

Alagad an presencia kan ribo-ribong devotos ni Ina dai nagharale nganing mag-atendir sa pontifical mass sa Basilica Minore.