SA IKA-38 ANIBERSARYO KAN EDSA PEOPLE POWER: Cha-Cha ibasura kurahaw sa protest rally sa Bicol

Ibasura an Charter Change. Ini an makusog na kurahaw sa protest rally na pinangenotan kan mga Bikolano kontra Cha-Cha sa pag-komemorar kan ika-38 anibersaryo kan EDSA People Power kan Febrero 25, 2024.

An protesta na ginibo sa Ciudad nin Naga asin Ciudad nin Legazpi yaon an grupo kan Bagong Alyansang Makabayan, Gabriela, Karapatan, Bunyog, organisasyon nin jovenes, paraoma, indibidwal, trabajadores, asin iba pang grupo.

Nagmartsa an grupo sa mga mayor na kalye kan duwang ciudad sa tahaw kan mga nagmamasid na kapupulisan.

Dawa sinuspendi na kan Commission on Election an pagrecibe kan mga pirmadong signature forms alagad an progresibong grupo dai tiwala sa mga pagmani-obra kan congreso mantang nagtutubod sinda na si Presidente Ferdinand Marcos Jr. iyo an nasa likod nganing maenmiendahan an 1987 constitution.

Dai man kinakaipuhan an cha-cha envez resolberan an malala nang kurapsyon sa gobierno, an padagos na pagmahal kan presyo kan bagas na pinangakong gigibohon P20 alagad nag abot na sa P65, ibasura an Rice Tariffication Law asin iba pa.

Sinabi kan KMP Bicol ‘‘Ang Cha-cha hindi magreresolba sa mga problema sa kahirapan ng mga magsasaka dahil ang panukalang ito ay magsisilbi lamang sa US o China, malaking negosyante, panginoong maylupa at mga kurap na pulitiko’’

Dai sinda nagtutubod na publico an nasa likod kan people’s initiative envez mga congresista.

PAGHALI KAN EDSA PEOPLE POWER ANNIVERSARY SA KALENDARYO BILANG NATIONAL HOLIDAY, KINUNDENAR

An protesta dinagos sa tahaw kan premirong pagkakataon poon kan 1986 EDSA revolution pinara ni Presidente Marcos sa listahan kan national holidays an Febrero 25. Sinabi ni Vince Casilihan kan Bayan Bicol, intensyon ni PBBM bilang parte nin kampanyang historical revisionism kan familia Marcos nganing patubodon an namamanuan Pilipino ‘‘ang matagumpay na pagkilos ng nagkakaisang Sambayanan sa pagpapatalsik sa teraniko, pasista, diktador at mandarambong na Marcos Sr., et al at baguhin ang kasaysayan upang palabasing maganda ang naging kalagayan ng diktadurang sambayanan sa panahon ng diktadurang Marcos, Sr.’’

Kaya, an ‘‘Bagong Lipunan’’ ni Marcos Sr. sa panahon nin diktadura, ‘‘Bagong Pilipinas’’ naman ngunian sa administrasyon Marcos Jr.’’

Pagrumdom sa ika-38 EDSA People Power Anniversary kan progresibong grupo sa Bicol nagdedenuncia kan mga politico na nasa likod kan people’s initiative nganing maenmiendahan an 1987 constitution.