SA MGA BIKTIMA NI ODETTE: LGUs sa CSur, Solid Leni Bicol nagpadarang ayuda

An mga lokal na gobierno sa Camarines Sur asin Solid Leni Bicol nagpadara na nin ayuda sa mga biktima ni bagyong Odette kan Deciembre 16 sa Bohol asin iba pang provincias na na-ngangaipo nin tabang.

An Ciudad nin Naga cantidad Php1-Milyon, igwa man suhay sangatos sakong bagas hale ki Congresista Gabby Bordado asin perang truck na manlaen-laen na relief goods katuwang an Solid Leni Bicol.

An iba pang mga LGUs sa tercer distrito kan Camarines Sur nagpadara kan saindang mga ayuda sabay na sa Solid Leni Bicol.

Sa pinasar na resolusyon kan Sanggunian Panlalawigan sa Camarines Sur inaprubaran ninda cantidad Php500,000 na itatao sa Surigao del Norte mantang an Ciudad nin Naga sa resolusyon kan sangguniang ipapadara an Php1-M para sa Dinagat Island.

An haros enterong lugar kan piglaila kan Super Typhoon Odette lakma an mga linya nin kuryente huli kaini, an mga pinadarang mga lineman kan Bicol Electric Cooperative Association (BECA) maabot na sa 15 diyas an saindang pagtabang nganing mapakaskas an pagbalik kan suplay nin kuryente. Sinda magpapadagos kan trabajo nganing pagbalik sa Bicol igwa nang mga ilaw. (dpa)