SA MGA NATATADANG NPA: ‘‘Magbalik loob’’ na kamo-MGen. Bajao

An kampanya na tuwadan na kan natatada pang mga rebeldeng New People’s Army an pakikipag-laban envez ‘‘magbalik loob’’ na sa gobierno saro sa ipapadagos kan liderato kan bagong pamayo kan 9th Infantry (Spear) Division, na may base sa Camp Elias Angeles, San Jose, Pili, Camarines Sur.

Si Major General Adonis Bajao, nagpahayag kaini kasunod kan nangyaring encuentro kan mga rebeldeng NPA asin soldados kan 903rd Infantry Brigade kaibanan an kapupulisan sa pagultanan kan Baleno asin Aroroy, Masbate dai palang nahahaloy.

Saiyang pangapudan sa natatada pang mga NPA na dapat magsuko na asin kugoson an libreng pagbuhay sa demokratikong nasyon nganing makaibanan ninda an saindang mga familia.

‘‘Napakaganda po ng buhay na ipinagkakaloob sa atin ng Panginoon. Mas Makakabuluhan na iyo ay ating pagpahalagahan at gagamitin sa tama ayon sa kanyang kagustuhan. Kasama rito ang pagpahalaga nang pamilya na siya nating dapat na inuuna kaysa ang pagawa nang kasamaan at pagsira ng pagkakaisa ng bayan. Kaya’t patuloy naming hinihikayat ang mga natitira pang miyembro ng CTG na abundanahin na ang armadong pakikibaka at samantalahin ang pagkakataon at mga programa ng goyerno.’’

Piglalaoman pa ni MGen Bajao na mahurophurop na an familia kan CTG asin mismo kan armadong rebelde na panahon nang ibaba an saindang armas.

An encuentro sa Masbate nangyari kan Enero 9, 2023 alagad dai man sinabi kun pera an gadan sa lado kan rebelde envez nabawi an mga armas sa saindang pinaghalian iyo an sarong M-60 machine gun; sarong M147.62 rifle; sarong M4 5.56 rifle, mga bala asin mga dokumentos kan mga teroristang grupo.