SA MIDTERM ELECTIONS: Opisyales de brgy puedeng magkampanya sa pirilian

Sa tahaw kan mga kahapotan kun an opisyales de barangay prohibido na magkampanya sa eleksyon lokal maging nasyonal, alagad an Commission on Election (Comelec) naglinaw na dai binabawal sa sainda na magkampanya.

An mga binabawalan sana iyo an mga nombradong opisyal asin empleado kan gobierno, sabi ni Election Officer Maico Julia Jr. kan Ciudad nin Naga.

Alagad igua sindang sisimbagon sa Department of Interior and Local Government (DILG) kun may mga pagbalga sa ley.

Sinabi pa ni Julia an opinyon legal base sa desisyon kan Corte Suprema kan 2010 na nagtutugot na puedeng magkampanya an opisyales de barangay alagad dapat magsunod sa campaign laws kan Comelec.

Base sa desisyon kan SC, sinda ‘'political’’ mantang puedeng magamit kan ibang mga politico, alagad an mga opisyales de barangay puedeng mag-atubang nin disciplinary action kun magsisinutil sa ley.

Si mga nombradong opisyal asin empleado kan gobierno nasa lindong kan Civil Service Commission na maatubang nin penalidad.

An saindang opisina sentral nagpaluwas kan opinyon legal na hinali an mga pagduda na posibleng casohan sinda, sabi pa ni Julia.