SA NCPO: Madestino nin kapupulisan sa manga camposanto

Madestino nin mga miembros kan PNP sa mga camposanto an Naga City Police Office sa aldaw nin ‘’undas’’ (Nov 1-2, 2026) nganing maseguro an paz y orden mantang mapasunod nin nagkaperang reglamento.

Si NCPO City Director PCol Rizaldy Caballero pigpa-andam na an mga Police Station na magwarak nin kapupulisan orog na sa saindang area of responsibility na may mga camposanto sa pribado asin pampublico.

Nagpatanid na sa publico na pinapangalad an pagdara nin armas, mag inum nin arak sa laog kan camposanto asin an Comelec gun ban mantang sakop na kan plebiscite period.

Bako lang sa mga camposanto mawarak nin kapupulisan envez sa iba pang lugar maging sa pagmantenir kan bulos nin trafico.

An camposanto sa Barangay Concepcion Pequeña na sarong pampublico iyo an piglalaoman na ginatos an madalaw asin madestino pa nin traffic officers mantang piglalaoman an paghibog nin trafico sa national road.

An Barangay Council nakatalaan magwarak man kan saindang mga barangay tanod nganing maging katuwang kan NCPO sa pagmantenir kan paz y orden.

Mientras tanto, an mga personahes kan SWMO kan City Hall antes pa kan Undas nagharali na kan mga ramog asin naglaag nin mga ilaw nganing maliwanag an lugar.