top of page

SA PILI EXTENSION OFFICE: Pirma na lang ni PBBM paramaging regular na LTO DO

Hinahalat nalang kan Land Transportation Office (LTO) sa Pili, Camarines Sur na isakat sa Malacañang nganing mapirmahan ni Presidente Ferdinand Marcos Jr, an Senate House Bill 9561 ‘‘Converting LTO Pili Extension Office to regular LTO District Office’’ matapos maaprubaran sa third and final reading sa senado an bill antes nag-recess an sesyon kan Deciembre 2024.


Si Representante Gabriel H. Bordado Jr. kan tercer distrito kan Camarines Sur iyo an padreno kan HB 6712 sa Camara-Baja na naaprubaran kan Febrero 2024.


Ini an kinumfirmar sa Bicol Mail ni Eric Torrecampo, jefe kan LTO Pili Extension Office mantang naghahalat nalang sinda na mapirmahan ni Presidente Marcos.


Si Torrecampo nag-atendir sa ginibong committee hearing sa senado kan ika-duwang semana kan Deciembre 2024 nagsabi na nagtutubod sinda makakahawas na sa senado huli ta mayo man nagcocontra nganing dagos nang isakat sa Malacañang.


An HB 6712 ni Bordado na naaprubar sa Camara-Baja kan Febrero 2024 asin dagos-dagos nang pigproceso sa Committee on Transportation ni Senador Grace Poe bilang chairperson.


An HB 6712 ‘‘An Act Creating a Regular LTO District Office in the Municipality of Pili, Camarines Sur to be Known as the LTO Licensing Center of Pili, Camarines Sur, appropriation funds thereof and for other purposes’’.


Kun aprubaran an bill ni Presidente Marcos ngunian na taon 2025 ciertong makakabale na sa General Appropriation Act of 2026, sabi pa ni Torrecampo.


An LTO Office digdi extension office sana kan LTO Naga asin kun maging regular na district office dakulang tabang sa mga may transaksyon hale sa pagtaraid na banwaan kan kabesira kan Camarines Sur nganing dai na makadagdag sa mga halabang nagpipilang mga kliyente kan DO kan ciudad.


Laen pa kaini, dai pa maabala sa trafico asin gastos sa flete.


PD Col. Virgilio Olalia pinangenotan an pagsikad sa sarabay na pagbugtak nin Comelec Check Point sa Camarines Sur, exaktong alas 12:01 nin aga kan Enero 12, 2025 sa pagpoon kan election period nganing iimplementar an gun ban. (CSUR PNP)
PD Col. Virgilio Olalia pinangenotan an pagsikad sa sarabay na pagbugtak nin Comelec Check Point sa Camarines Sur, exaktong alas 12:01 nin aga kan Enero 12, 2025 sa pagpoon kan election period nganing iimplementar an gun ban. (CSUR PNP)

コメント


bottom of page