SA PIRILIAN SA MAYO 12, 2025: Apat na mga candidato sa Bicol mayong kalaban

Duwang asperanteng alcalde asin sarong asperanteng bise alcalde sa Catanduanes asin saro man sa Camarines Sur segurado nang gana sa eleksyon sa Mayo 12, 2025 huli kan mayo nang mga kalaban.

Sa pinaluwas na inpormasyon kan Comelec Bicol an duwang nagdadalagan sa posisyon na alcalde sa mga banwaan kan Panganiban asin Gigmoto sa provincia nin Catanduanes mientras na mayong kalaban an nagcacandidatong bise alcalde sa banwaan nin Viga sa kaparejong provincia asin digdi sa Camarines Sur sa banwaan nin Lagonoy mayong nagsabat na kalaban sa re-electionistang bise alcalde.

Sinabi ni Comelec Regional Director Maria Juana Valeza nagsunad kan saindang ‘‘statement of withdrawal’’ an kalaban ni Gigmoto incumbent Mayor Vicente Tayam Jr. na si Ding Guerero kan Oktubre 11, 2024. sa paagi kan special power of attorney si Mayor Cesar Robles kan Panganiban mayo man ni kalaban asin si Mayor Emeterio Tarin kan Viga na nagcacandidatong bise alcalde mayo nang kalaban.

Digdi sa Camarines Sur si Bise Alcalde Jerry Jake Remoto kan Lagonoy dai binugtakan nin kalabaan.

Sinabi pa kan Comelec an statement of withdrawal asin pagsumiter na medical certificate epektivo na an saiyang pagsibog nin candidatura. An opisina sentral kan commission iyo an nagbabasura kan saindang pangaran sa listahan.

An apat na mga candidato ciertong dai na apektado an saindang pig-andam na campaign fund saka segurado na an kapangganahan.