SA PNP BICOL: Proteksyon asin pagmantenir sa seguridad sa mga Bicolando

Prayoridad ni Acting Regional Director BGen Erosito Miranda, pamayo kan PNP Bicol na iseguro ngunian na taon 2026 an serbisyo sa namamanuan Bicolandia na mamantendir an seguridad asin deretso humano sa irarum kan Bagong ‘‘PNP para sa Bagong Pilipinas’’.

Ini sarong makaskas na serbisyo nganing mamatian kan lambang Bicolano sa paagi kan saindang operasyon contra kriminalidad para sa seguridad kan rehiyon.

Kan nagtalikod na taon, sinabi pa ni Miranda saindang pinaheling an dedikasyon na protehiran an namamanuan asin matuninong na paz y orden nganing mas mag-asenso an economia sa rehiyon.

Sa natatapos palang na taon namantenir an katuninongan sa cooperasyon kan namamanuan sagcod sa halawig na mga actividad sa kapaskohan asin pagsabat kan bagong taon dawa na ngani dai nahaheling na iguang mga sadit na mga caso o insidente kabale na an mga aksidente sa trafico.

Pigseguro pa na ipapadagos an saindang kampanya laban sa ilegal na droga na mayong mga reclamo sa ‘‘extra judicial killing’’ alagad defende kun maglaban an mga dorogista sa operasyon nganing idepensa man an sadiri kan mga awtoridad.

Si Miranda, na dai palang nahahaloy bilang acting regional director kan PNP Bicol dai pa nagkumfirmar na saiyang uukagon an mga provincial directors sa rehiyon.