SA PRO 5: P30-M na cantidad nin ilegal na droga nakumfiscar kan Hunyo ‘26

Jul 10

1 min read

Abot sa P30 milyones na cantidad nin ilegal na droga an nakumfiscar kan mga awtoridad sa Bicol kan nagtalikod na bulan nin Hunyo 2026 kasunod kan higot na campanya kan Police Regional Office 5 (PRO 5) laban sa ilegal na actividad.

Kabale sa sinambit na dakulang cantidad an nakumfiscar na P4.76-M na ilegal na droga sa buy-bust operation sa Baao, Camarines Sur kan Hunyo 24.

Sa report kan PRO 5 sa pamamayo ni Regional Director PBGen Erosito Miranda, abot sa total na 132 na anti-illegal drug operations sa bilog na rehiyon na nagresulta sa pagkaka-arestar kan 141 mga envuelto sa ilegal na droga asin 128 street-value individuals na dakulang bagay nganing maparampahog an mga operasyon sa ilegal na actividad.

Sinabi ni Miranda na an saindang campanya contra sa ilegal na droga katuwang an PDEA Bicol saro sa saindang prayoridad para sa seguridad kan mga Bicolano asin comunidad.

An saindang operasyon huli kan mga ginigibo kan saindang intelligence group sa rehiyon mantang afuera kaini sa cooperasyon kan comunidad contra sa ilegal na actividad.

Katuwang man ninda an mga lokal na gobierno asin opisyales de barangay.

Haros bulan-bulan nagkapera an mga na-aarestar huli sa droga sagcod na sinasangat nin caso sa pagbalga sa Comprehensive Drugs Act of 2002.