SA PSO NAGA: Nagpatanid sa manga trimobile operator na mabalga sa ley trafico

Nagpatanid na an Public Safety Office (PSO) sa mga operator asin tsuper kan trimobile, e-trike, asin taxicle sa Ciudad nin Naga na maatubang nin magabat na penalidad kun padagos na masinutil sa Ordinance No. 2024-002 sagcod na cancelaron an saindang franquicia.

Sa press conference na pinaapod ni Renne Gumba, jefe kan PSO na epektivo an ordinansa matapos enmiendahan sa Sangguniang Panlungsod an Ordinance No. 93-049 na bako lang sa pagdugang nin singil sa flete hali sa P13 ginibo nang P15.

An patanid ni Gumba huli ta magiging estricto na an saindang opisina katuwang an PNP Traffic Enforcement Unit.

An ordinansa na padreno si Consejal Melvin Ramon Buenafe sa SP asin inaprubaran ni Alcalde Nelson Legacion kan nakaaging semana base sa enmiendadong ley trafico dapat magkaigwa nin regular monthly reporting system sa gabos na mga nagbabalgang trimobile an PSO asin PNP Traffic Enforcement unit asin copy furnished an Trimobile Task Force.

Kun nakatolo nang veces asin sobra pa, an franquicia kan operator puedeng irekomender nin suspension, alagad kun sa laog nin sarong taon nagbalga nin anom na veces, an franquicia irerecomendar na dagos nang cancelaron.

Alagad kun mangyari naman durante sa tolong bulan na peryodo sa implementasyon kan ordinansa mayong pagbabago sa mga recorded violations, an komite marekomendar suspendiron an fare increase.

An opisina kan PSO mandato na mag andam nin fare matrix nganing implementar kan tsuper asin sunodon kan mga pasajeros.

Kabali pa sa probisyon sa ordinansa na dapat magtaong veinte por cientong discuento sa mga estudiantes, senior citizens, persons with disability, asin solo parents.

Si Renne Gumba, jefe kan PSO sa Ciudad nin Naga nag-orden sa saindang mga traffic enforcers na maging estricto sa implementasyon kan bagong ordinansa sa trafico.