Sabel Sobrang Tabil

Tigsik ko si Tonton Baraton

Nagbibitaybitay an sipon

Pirming nagwawawa an kalson

Toros an garter, tagiptipon!

Tigsik ko si Puluto

Sus, nagparamutomuto

An pamahawan tipo

Linahidan nin wyo!

Tigsik ko si Baby Bingkolay

Kan umibabot sa kinabàñ

Nahale an gabos ming matatanglaý

Alagad kami nabilot pagtaram!

Tigsik ko si Eric Irik-itik

Ipinangidam sa hagikhik

Sa habayan saro sanang kiblit

Napapatod an garter kan brief!

Tigsik ko si man si Inocencio

Kan nahaklasan an payo

Mayong pondo an pagrapado

An talìnga biyong nag-aaraso!

Tigsik ko an aking si Sabel

Sobra an tabil, nagwilwil an ngabil

Pinatindog sa kudal na parel

Nakararapak an bilbil