Sadsad tinukahan komo miembro kan BOT sa GSIS

Orgulyo kan paratukdo sa Kabikolan an pagkaka-nombra ki Director Gilbert Sadsad komo miembro kan Board of trustees (BOT) kan Government Service Insurance System (GSIS). Alagad sinabi kan director na ‘‘unexpected’’ an pagkakapili sa saiya na marepresentar kan sektor edukasyon.

Pinaabotan nin ‘‘congratulations’’ huli ta iguang nang representar an sektor edukasyon sa GSIS. Naglalaom sinda nin reforma sa ahencia orog na sa reclamo kan mga paratukdo lalo na si nag-popoproceso kan saindang pagreretiro sa serbisyo.

Sinabi kan bagong miembro BOT na komo representante kan saindang sektor sa ahencia reresolberan niya problema sa premium contribution na kun kasuarin maretiro na sa serbisyo sa gobierno alagad nadidificilan sa pag-proceso. An siyang dagdag na trabajo igua man siyang marerecibeng ‘‘allowance’’ sana gikan sa GSIS.

Linalaoman pa kan mga paratukdo na bako lang sa lado kan saindang sektor envez sa iba pang isyu para sa pag-asenso sa serbisyo publico.

Siya tubong Goa, Camarines Sur asin nagserbe na sa ibang mga rehiyon na naipaheling an saiyang kakayahan sa trabajo komo pamayo kan ahencia kan sarong rehiyon.

Bako lang mga paratukdo an nagsusuporta sa saiya maging an mga opisyales kan provincia nin Camarines Sur.

Dai palang nahahaloy an junta provincial sa pamamayo ni Bise Gobernador Salvio Fortuno Jr. nagpasar nin resolusyon na nagtataong komendasyon sa saiyang dagdag na trabajo sa gobierno.