SALVADOR BUNTOL
Jun 19
1 min read
Tigsik ko an magayon na si Madam
Nadestino sa Lukid na lugar
Patukadtukad sa kabukidan
Nasiod kan huslaon na tambay!
Tigsik ko an Principal suspect
Numero unong parakupit
Sige sana an ngiritngirit
Basugbasog kan fundong kinupit!
Tigsik ko si Sir na Visor.
Bistadong sarong manyakol
Gabos na nakapaldang magayon
Remate sa sobra n'yang gatol!
Tigsik ko man ining si Barok
Nag-eerok duman sa rukarok
Dawa Grade One dae nakaabot
Nagin malasado an hutok!
Si Sir, si Ma'am tigsik ko man
ATM card nasa parapautang
Sa sobrang kapagtiosan
Aw ta dagos nang naliogan!
Tigsik ko si Salvador BUNTOL
Bulakbol! Paraburadol
Pag-abot na kan graduation
Sinabitan medalyang tapon!
Comments