SAN JOSE PARTIDO

Nalunod sa kaogmahan

An lawas na nasa kakusogan

Sa Mayaman na Ciudad na napadpadan.

Alagad an pagkatawao, kun tadaw

Mayong namamateng katiwasayan

Iguang pighihidaw, dae aram

Dae nanggad manumpongan...

Hasta sa binalikan

An banwang tinuboan

Linubngan kan sakong inulnan!

Mga kapamilya, kadamaydamay

Mga katood, sa kaogmahan o lumbay

Mga lugar, recuerdong dae malilingawan

Mga pagkakan, managom, masiram!

Asin sa dalan na binalikan

Sa banwang tinuboan

Namatean an haloy nang pighihidaw--

KATONINUNGAN, ika palan an kaipohan!

San Jose Partido, dagang namomotan

Dae ta ka babayaanan

Sa maimbong mong daghan ako mahipray!