top of page

SANTI SANTILMO



Tigsik ko po ining kagadanan

Dae mo na nanggad madudulagan

Kun ini saimo nang kaorasan

Magtago ka pa sa lusbot ni Nanay!


Tigsik ko ining pantiong

Sa luwas mapution

An laog namamarong

Gabos lapa, ulodon!


Tigsik ko man an banggi kan Undas

Biyong napupuyat an mga kalag

Sa ribok asin sobrang palakpalak

Kan mga buhay nasobrahan nin arak!


Tigsik ko an negosyong funeraria

An sabi, tubong lugaw, sabi ninda

Dae na kaipo an magkaiguang promo pa

Orug na kun BUY ONE, TAKE ONE po daa!


Tigsik ko man ining si San Pedro

Gwapito, macho, barabas cerrado

Tolong beses pignegaran si Kristo

Pero ginibong bantay kan Paraiso!


Tigsik ko po si Santi Santilmo

Dae pa nakipaghilingan ki San Pedro

Alagad an kalag haloy nang condenado

Buhay pa, nag-aagrangay na sa kalayo!


Comentarios


bottom of page