SANTO,-,SANTITO!
- Aug 8
- 1 min read
Tigsik ko an Hulyo saka Agosto
Hard life na panahon para sa tawo
Kun anuanong diskarte naglalaog sa payo
Naggibong kuwarta an troll na panatico!
Tigsik ko an uto-utong mga panatico
Sa kaogmahan entirong nagrulukso
Makakauli na daa an Tatay na nasa priso
Aray mooo! Nakabirilog an payo!
Tigsik ko si Senador Boy Sili
Maconsuelo talaga an kukute
Saltong pirmi an pigsasabi
Sa sampolong pigtaram, kupsit an onse!
Tigsik ko an butiking comedy
Kun dae daa si VP magpresidente
Mamanokon iyo si Boy Sili
Pakak! Aray mooo! An Pinas remate!
Tigsik ko si Senadora Petra
Kan nabuking an mga anomalia
Naggibong palusot na mga ngalangala
Num, nanagin comedianteng boba!
Tigsik ko an pusikit na panatiko
Overrr! Uto-uto! Utak malasado!
Tubod na an Tatay makakauli na kuno
Grabe an pagsamba sa santo-santito!
Comments