Sarong dating estudiante naghugot sa escuelahan

Sarong dating estudiante kan Bicol State College of Applied Sciences and Technology (BISCAST) sa Peñafrancia Ave., Ciudad nin Naga gadan kan maghugot na nagtagbang hale sa ika-limang eskalon kan state university kan Domingo, Mayo 17, 2026.

Nagpapadagos pa an imbestigasyon kan Naga City Police Office mantang dai pa nginaranan alagad mayo man nin ‘‘foul play’’ an biktima na nag-eedad nin 21 anyos.

Sinabi pa kan NCPO naheling kan sarong construction worker an biktima mga bandang alas 8:00 nin aga sa edificio.

Alagad an administrasyon kan BISCAST nagsabi na dating naka-enrolled an biktima kan 2024 alagad ngunian na semester mayo na sa listahan.

Nagpahayag sinda nin pagmundo sa trahedya sa pagkakagadan kan dai pa namidbid na lalaking estudiante na nakuang mayo na buhay sa saindang vicinidad. Pinaubaya na sa NCPO mantang andam sinda sa cooperasyon ginigibong imbestigasyon nganing mabisto an biktima.

Kasunod kaini, nagmumundo man sa trahedya an ASTeano kaibanan an The Collegian, sa nangyari sa sarong buhay na nawara sa saindang kampus.

Pinaabot man ninda asin kan The Collegian asin an saindang pagpaabot nin pagmundo sa binayaan na familia kan biktima.