Sarong researcher-agriculturist sa Bicol nawawara-BAYAN CSur

Padagos pang nawawara an sarong researcher-agriculturist sa Bicol na huring napag-araman naheling kan Noviembre 28, 2025 sa municipalidades kan Goa, Tigaon asin San Jose, gabos kan Partido area kan Camarines Sur.

Sinabi ni Jane Nagrampa kan BAYAN Camarines Sur poon kan Viernes, Noviembre 28 si Buban, dai pa nag-aapod sa saiyang familia sa Tabaco, Albay.

An nawawara nginaranan kan BAYAN Camarines Sur na si Gary Buban, 44 anyos, may agom asin apat na aki. Siya dakulang tabang sa paraoma huli ta nagtatabang sa Damayan nin Paraoma sa Camarines Sur sa ngaran na pag-research nganing mapalangkaw an produksyon sa agricultura.

Si Buban graduado sa Bicol University College of Agriculture and Forestry (BUCAF) sa Ciudad nin Legazpi asin dating farm manager kan Tarabang para sa Bicol (TABI).

Nahahadit na an familia asin Damayan nin Paraoma huli ta sagcod sa ngunian dai pa maaraman kun nagsaen mantang mayo man sa saiyang mga amigo nagsasabi kun saindang kaibanan.

Naghahagad na nin tabang sa Philippine National Police (PNP) nganing maimbestigaran mantang mayo man nin aram an DAMPA kan posibleng motivo sa pagkakawara kaini.

Sagcod na dai pa maaraman kun napasain, an opisina kan DAMPA Camarines Sur, na namumugtak sa Barangay Bagumbayan Sur, Ciudad nin Naga o ipaagi an inpormasyon sa saindang FB Account – Damayan nin paraoma sa Camarines Sur.