top of page

Sektor nin paraoma dai nagsisibog kontra sa Rice Liberalization Law

Ika-apat nang taon kan aprubaran ni dating Presidente Rodrigo Duterte an Rice Liberalization Law (RLL) o Acta Republica 11203 kan Febrero 14, 2019, an sektor nin paraoma matagas an panindugan na dapat ibasura na an ley mantang sagcod sa ngunian nagpapasakit sa mga paraoma sa nasyon.

Sa pinaluwas na pahayag kan Kilusang Magbubukid ng Bicol (KMB), sinabi kaini ‘‘Araw ng mga puso ang Pebrero 14 ngunit araw din ito ng mga walang puso at pagmamahal na mga nasa gobyerno na nagpatupad ng RLL o RA 11203’’


Sinabi pa na ika-apat nang taon padagos na pinapasan kan mga paraoma an bagsak na presyo kan paroy huli kan padagos na pagbaba kan presyo.


Apesar na nagparadakula an saindang gastos siring kan sa abono, pestisidyo, banhi, patrabajo asin iba pang dakulang gastos ngani sanang makatanum paroy.


Apektado sinda kan padagos na paglangkaw kan produkto nin petrolyo maging iba pang mayor na produkto sa mercado.


Paraoma sa Albay hurot sa gobiernio ibasura na an RLL. (KMB)


Saindang hinahagad sa presenting administrasyon an pagbasura kan RLL, haen na si pangako na P20/kilo kan bagas, P15,000 na subsidiya sa produksyon asin P10,000 ayuda para sa kabuhayan.


An grupo kan KMB asin iba pang sektor, jovenes, ordinaryong namamanuan nagpirma sa petisyon na ginibo sa mercado publico sa Albay nganing singilon si Presidente Marcos kun haen na si pangakong P20/kilo kan bagas.


Magigirumduman antes pigpirmahan ni Duterte an ley kan Febrero 14, 2019 naglansar nin mahiwas na protesta an sektor nin paraoma asin mga empleados kan National Food Authority na dapat ibasura an RLL huli ta ciertong apektado an mga paraoma asin ginatos na empleados kan NFA an mawawarang trabajo alagad dai lamang dinangog kan dating presidente an mga reclamo. (dpa)

bottom of page