Sektor nin transporte sa Bicol dai nagsabay sa juelga

Iginilid kan sektor nin transporte sa Bicol an pagsabay sa nationwide strike kan Abril 15-16 sa Manila kan grupo kan Manibela asin Pagkakaisa ng mga Samahan ng Tsuper at Operator Nationwide huli kan baranga an saindang panindugan. An juelga piglansar sa Manila sa tahaw kan nagrarani nang Abril 30, 2024 deadline nganing magpa-consolidate.

Kun dati an CONDOR-PISTON Bicol sa Ciudad nin Legazpi activo nganing magsabay sa protesta sa Metro Manila alagad nagpadagos kan saindang pagkayod magin sa Ciudad nin Naga normal si dalagan kan mga pampasajerong jeepney.

Digdi sa Bicol base sa datus kan Land Transportation Franchising an Regulatory Board (LTFRB) nasa 80 por ciento sa mga public utility vehicle (PUV) nagpa-consiladate na.

Pigtutubodan ini an dahilan mantang kulang an mapagticipar asin dai mapaparalisar an transportasyon nakaabang pa an libreng sakay kan PNP asin Philippine Army.

Sinabi kan sarong operator nin jeepney sa Camarines Sur na dai siya contra sa consolidation alagad mayong kakayahan na magbakal kan mahalon na modernized jeepney.

An Manibela asin PISTON iyo si nangenotan kan enot na mga ‘‘tigil pasada’’ kan 2023 alagad kan mag-anunciar si Presidente Ferdinand Marcos Jr. na mayo nang mangyayaring pagpalawig kan April 30 deadline naglansar liwat nin protesta.

Sa irarum kan PUV modernization program kan gobierno, an jeepney operators dapat isuko an saindang franquicia kun dai masunod sa pigmamando kan LTFRB na dagos nang dai sinda makakayod.