top of page

Sen Marcos bisita kan Camarines Sur

Nagrarani na an midterm elections sa 2025 nagpopoon nang magbisita sa Bicol an ibang mga politico sa Ciudad nin Naga asin Libmanan, Camarines Sur binisita ni Senador Imee Marcos-Manotoc kan Lunes, Marso 18, 2024 na nagpangako nin fondo sa Bicol Medical Center mantang nagtao man nin ayuda sa educational assistance sa mga calificadong estudiantes sa Libmanan.


Cantidad P1 bilyon an pinangako kan senador para konstruksyon kan inaapod na Legacy Hospital kan BMC sa Ciudad nin Naga.


Kun marealisar an proyecto makakatabang para sa dugang na facilidades kan dakulang hospital sa rehiyon Bicol.


An BMC pinamamayohan ni Medical Director Gregorio Gigantone nagpasalamat sa senador na tugang ni Presidente Ferdinand Marcos Jr. huli kan suporta nganing madagdagan pa nin edificio.


Saludo si Marcos sa hospital huli ta igwa nang Cardiac Center nganing dai na maggastos an pasyente pasiring sa Manila mantang igwa nang mga espesyalistang doktor sa puso mala ngani igwa nang total na 27 pasyente an na-operahan kan 2023 asin ngunian na 2024.


Si Dr. Elmo ‘‘Tisoy’’ S. Bombase, Jr. na joven pa iyo an Cardiovascular Thoracic Surgery asin iba pang mga espesyalistang doktor na dakulang bagay sa mga Bicolanong pasyente.


An BMC igwa nang 4-storey Regional Cancer Center na kumpleto nin facilidades asin bagong 8-storey bldg. na narealisar sa administrasyon ni dipuntong Presidente Noynoy Aquino III sa panahon ni dating Medical Director Efren Nerva.


Dating 500 bed capacity sana an hospital alagad sa tabang ni 3rd district Congressman Gabriel H. Bordado Jr. dinagdagan nin dugang fondo nasyonal sa General Appropriation Act taon-taon nganing gibohon na 1,000 bed capacity an pasyente asin para sa dugang na nurses asin doctor maging empleados.


Pakahali sa BMC, an senador nagpasiring sa Libmanan, CamSur tanganing idistribuer an tig-a P5,000 na educational assistance sa 1,000 benipisyarong estudiantes na pinangenotan ni Goberndor Louigi Villafuete.


An fondo hali sa programang assistance to individuals in crisis situation kan Department of Social Welfare and Development (DSWD). (dpa)

Commentaires


bottom of page