SENADORA
- 2 days ago
- 1 min read
Tigsik ko ining layas na doggie
Madadakop na kuta kan mga ahente
Aw ta pinadulag kan palpal na may bigote
Ngonian baga nagpaparangisi!
Tigsik ko ining lalaking kalbo
Talagang tapayason na tawo
Turog manok, an mata alerto
Tibaad maposasan, aray mooo!
Tigsik ko si Robin en BATOman
Mag-BFF, an ngaragngag dukotan
Parehong ginamit ni Calderong magulang
Kawasa parehong sobra an pagkapalpal!
Tigsik ko si Senadora na madrama
Sa pagigin Best Dramatic Actress nanggana
Basta na lang nagngalngal pag platica
Hababaw an utak, sa emosyon nagpadara!
Tigsik ko si Senadora Dramarama
May pahibihibi pagplatica
Pero an audience nakulangan pa
Mayong luha na nagturo sa mata!
Tigsik ko an Madam Senadora
Sari-sari an ugali saka porma
May dramatista, iguang sawsawera
May ambisyosa, lapa nang Mangga!
Comments