SI BONDYING, BOW!

Igua kong istorya hale digdis Partido

Lugar na dakol an fiesta kun Mayo

Naisipan kan marawraw na Maestrong Pasmado

May entrance sa fiesta sa saindang sitio!

Sanggatos Pisos, aprub sa mga tawo

Eat and drink all you can, yehey, maconsuelo!

Igua pang take-out, dagdag pang- engganyo

Oragon talaga kaming mga taga Tido!

Si Bondying saro sa mga kumbensido

Bantog bareta, numero uno

Sa durulaan, walwalan pirming listo

Mayong labot kun sa hayblad madido!

Sabihon pa, si Bondying sobrang ganado

May adobo, igado, chicken, embutido

May sirang inihaw, ano daw ito?

Siram sana, sa tawyong may lemonsito!

Kan magwalwalan na, si Bondying bibo

Makusog an boses, sa pulutan lo mismo

Kinabigkabig an inihaw ni Maestro

Na nakahuyom sa gilid, may pighahalat kun ano!

Dae naghaloy, nagboroboro an istomago

Kan paslo na si Bondying na nakidayo

Pandawan an inihaw na sira ni Pasmado

Si Bondying nagpugahak sa kalsonsilyo!