SI FELIMON, SI FELIMON

Tigsik ko si Felimon,  si Felimon

Nagbanwit duman sa Salog kan Bicol

Nakasubad, nakasubad nin dragon

May akab-akab nin parakit na kalson!

Tigsik ko si Falaman, si Falaman

 Namalakaya sa harayong kadagatan

Nakasiod nin sarong balyenang gurang

Tagas kan kublit, kupos an limogmogan!

Tigsik ko si Felimin, si Felimin

Sarong gitigition na bading

Nahiling an saiyang Prince Charming

Num, tolong beses na nagtumbling!

Tigsik ko pa si Felimin, si Felimin

Tolong oras sa atubangan kan salming

Ay wow, overrr po an giringgiting

An hitsura dae mo na madrowing!

Tigsik ko si Folomon, si Folomon

Nagpalbag sa sapa kan Matuon

Pakalihis nin tolong bangging bulanon

An hita ramugramog nin bitoon!

Tigsik ko pa si Folomon, si Folomon

Maghapon nagsaxophone sa Hiwacloy

Pag-abot kan bangging malipoton

Nagnorono’ an hilaw na sipon!