Si Lola Vinyeng Napupungaw Ki Nora

Dai nanggad matatawaran ang kontribusyon ni Nora Aunor sa linya nin musika asin pelikula ninhuli ta kadakol siyang napaogma arog ni Lola Vinyeng na sarong avid noranian. Si Nora Aunor na an tunay na apelyido Montemayor tubong Ciudad Nin Iriga, naging sikat na artista asin singer sa Pilipinas kaidtong dekada 70. Si Nora Aunor nabisto sa mga amateur kan siya pirmeng nanggagana sa karantahan sa Plaza Quezon asin nagkampeon sa interong pilipinas ninhuli sa magayon niyang boses, magayon na diction asin magayon na hitsura nin sarong bikolana.

Sa istorya ni Lola Vinyeng na kan siya daragita pa sana, dai nanggad niya pinapalihis ang mga pelikula ni Nora Aunor asin Tirso Cruz 111 na mas bisto sa alyas na Guy and Pip. Natatandaan ni Lola Vinyeng ang saiyang pakikipag susuan sa pila sa sinehan kan Bichara basta sana maka first showing sa pelikula ni Guy and Pip. Sa mga drama kan duwa, dai man makontrol ni Vinyeng ang magpaturo nin luha kaibahan an saiyang pinsan na si Maria na gikan sa mga familyang Vergara, na an ama tubong Tabaco Albay.

An lanob sa sala kan harong ni Vinyeng interong naka display ang mga pig gunting naretrato ni Nora Aunor na napublikar sa mga babasahon na Liwayway asin Bulaklak. Ultimong si Nanay Andang asin Tatay Lilo na sarong parabuno nin orig sa mercado kan Naga ang naoogma kung mga retrato ni Nora Aunor an yaon sa lanob kan sarong tiklad na harong. Dai pa uso kaidto ang lamination asin magastos ang picture frame, kaya an mga retrato ni Nora Aunor napapatos sana sa silopayn asin pig tamtaks sa lanob. Kan magadan si Nora Aunor, dai mapugulan ni Lola Vinyeng ang mapaluha ta mayo na ang tawong nagtao saiya nin kaogmahan magpoon pa kan mga taon 70. Kan si Vinying ikasal ki Ruben na tubong San Vicente Libmanan, ipinangako ni Ruben na saro man siyang mag aataman sa mga retrato ni Nora Aunor na dapat naka paskil sa saindang lanob tanda nin pagpadangat ki Nora Aunor. Sa pag gurang ni Vinyeng, mayo siyang ibang gustong madangog na istorya asin kanta Kundi ang hale ki Nora Aunor. Ang enfluencia ni Nora Aunor sa buhay ni Vinyeng dakula ta naging maogma sindang mag agom kaibahan ang anom na aking babae asin duwang aking lalaki. Si Ruben na nag adventure sa Naga kan panahon kan Guy and Pip, inot nagka trabaho bilang Panadero sa Youngs Bakery na yaon sa tapat kan Alex Theatre sa kalye Panganiban, sagkod na nagka igua sinda nin familya sa Santa Cruz asin ngonian nag eerok na si Vinyeng asin mga aki asin mga apo sa Urban Queborac. Perang taon na ang nakaagi kan magtalikod sa kinaban si Ruben, kung kaya nawara an lalaking kaulay ulay manonongod sa buhay ni Nora Aunor. Ngonian ang pag romdom sa mga pelikula asin sonata ni Nora Aunor iyo ang kagubay kan saiyang pag rosario sa Diyos. Mayong sinasabi si Lola Vinyeng sa saiyang mga kaulay na saro siyang Avid Noranian …forever.