SI LOLO, SI LOLA

Pag-abot kan panahon kita na lang duwa

Mga aki ta igua na man nin pamilya

Ayos lang, an buhay ta mapadagos pa

Sa mundong sadiri tang na duwa!

An satuyang kusog nagbabawas na

An hitsura ta bago nang arog kan dati pa

Minsan an tuhod nagkukuruykoy na

Dawa ngiritan kita, magurang man sinda!

Hasta na sana kita sa gamagama

Dae na maghirit, akoon ta na

Sa throwback na sana kita naoogma

Tadaw ta may kudot sa puso an Memoria?

Dawa maputi na an buhok tang duwa

Pagkamoot sa kada saro liputok pa

Minsan dae nagtitinohan, abaa na

Pagkabanggi magkakugos man sana!

Bilog na mundo nalingawan na kita

Ayos man sana kita buhay pa baga

Magkaibahan dawa anong mangyari pa

Till life after death, ako asin ika!