Si Nathan Asin An Kultura

Garong gayong, napabayaan na kan panahon an pagkamoot sa satuyang local na kultura ta ultimong Museo mayo an Naga, ta an yaon iyo an Museo ni Jesse Robredo. Sa mga nakaaging taon na pag aratubang kan mga cultural group sa panginginot kan Sumaro Bikolnon, dai nanggad nadangog kan Sanguniang Pang lungsod an saindang kuribaw na paorogon an pag tugdas nin mga cultural structures asin mga programa pang kultura bakong arog kan ibang lugar sa pilipinas na, darakula asin magagayon an mga edificio na kinamumugtakan kan saindang Museo ta an mga turista inot na pig papasyaran an saindang Museum tanganing hilingon an mga retrato asin basahon an mga istorya kan mga agi agi kan saindang lugar. Sa pagtiripon liwat kan grupo, nag araperan an mga ini sa kaogmahan asin pagka igua nin Esperanza ta yaon an pangaran ni Nathan Sergio na bistadong mamomo’ton sa kulturang bikolnon. Si Nathan Sergio na saro sa makusogon na kandidato sa pagka konsehal para sa eleksyon sa Mayo ngonian na taon, iguang marhay na plata forma de gobyerno, afuera kan mga urban poor housing, local employment, saindang tutukan an manonongod sa pagpa yaman kan istorya kan bikol ta iyo ini an llave tanganing magkusog an turismo sa Naga. Saro sa pig lalaoman ki Nathan Sergio iyo an pagpasar nin ordinansa na sa pinaka premirong pagkakataon, mag tugdas an City Hall kan inaapod na Naga City Museum. Digdi mahihiling an mga lumang retrato kan mga kalye asin splorcentro sa Naga. Sa pakipag tabangan kan mga bistadong historians sa panginginot ni Prof. Danny Gerona, satuyang maaaraman an mga pangyayari durante kan WW2 ta an Naga saro sa importanteng lugar sa Pilipinas na pig lusob kan mga hapones, gulpi an ginadan na girilya asin haros nasulo asin nagka garaba an mga edificio sa centro kan Naga. Sa pag aadal kan mga cultural group , mayo sindang nabisto sa Sanggunian na desidido na paorogon an kultura sa Naga asin solemente yaon sana ki Nathan Sergio an pag asa na an Naga City mabisto na mayaman sa istorya kan panahon kun kaya, maabot an aldao sa espuerzo ni Nathan Sergio, marambong an turismo sa Naga City. Si Nathan Sergio, iyo ngonian an naglalataw sa mga survey sa mga barangay asin mga escuelahan. Gusto ni Nathan Sergio na an programa sa turismo, makaduhol nin Empleo sa mga taga Naga asin bako sanang maghakot nin kwarta para sa kaban kan Ciudad ta oras na magrambong an turismo gulping trabaho an maburukasan arog kan transportasyon, mga kakanan, asin kadakol pang iba. Ibabalik an mga cultural programs sa mga escuelahan arog kan mga contest sa folk dance, rondalla, karantahan asin kadakol pang iba. Garo man lang sinabi kan grupo na an presencia ni Nathan Sergio sa Sanggunian, iyo an tunay na matao nin kaogmahan sa mga Naguenio.