SIMBAG NI LRAY: Nagsingil utang, reclamo kan brgy kapitan pinahimotikan

Nagpaluwas na nin kasimbagan sa paagi kan saiyang FB page si Camarines Sur 2nd district Congressman LRay Villafuerte na saiyang pinapahimotikan an reclamo sa Municipal Police Station ni barangay kapitan Russel Clemente envez saiya sanang sinisingil kan utang na Php600,000.

Bako sanang pahimotik an simbag kan congresista alagad tinira pa nin nagkaperang malalanit na mga isyu sinda gubernatorial candidate Rolando Andaya Jr. asin 4th district Congressman Arnie Fuentebella na contra partido kan lehislador sa segundo distrito.

Sa pinaluwas na paliwanag sa social media ni Cong LRay sinabi kaini ‘‘Pinuntahan ko yan si Kapitan Clemente ng Vito, Siruma para singilin ng utang nya sa amin na Php600,000. Mga lokoloko kayo. Maayos ako pinapasok at pinaupo sa bahay ni Raul Clemente kapatid ni Kapitan, si kapitan hinde humarap hinde lumabas, nag tago, ayaw magbayad ng utang’’

‘‘Nagpa blotter pa kayo ginamit nyo pulis kaya pati na yung pulis pinasubo nyo, kakasuhan naming yan pulis na ginamit nyo. Pati yan si kapitan Clemente kakasuhan ko yan perjury nagpagamit kayo ki bukag Jr.’’

Sa pahayag sa media ni LRay, sinabi pa kaini kan magpasiring siya sa residencia kan brgy kapitan inalok niya pa an mga tawo hale sa political rally.

An bukag na inaapod ni LRay iyo si Congresista Arnie Fuentebella kan cuarto distrito.

An patanid ni LRay na masangat nin caso alagad sa lado ni Kapitan enot nang sinabi kaini sa entrevista sa radyo na nagdulok na siya sa saindang abogado nganing magsangat nin caso contra sa congresista mantang ini an desisyon kan saindang familia. (dpa)