top of page

SIRA NA TONTO



Tigsik ko an pating na kinunot

Sobrang natok, grabeng liputok

Kinabig, inalamosa, kinamot

Nagbuskad an pusod, pigbangungot, tigok!


Tigsik ko ining pansit Bato

Ano daw an tagong secreto?

Dawa an bangot alpog kan tinampo

Abaa nang nagom, ika contento!


Tigsik ko pa man ining binutong

Liputok an guta, manatukon

Biyong nasiraman an sakong among

Inupakan pa an patos na dahon!


Tigsik ko  an maharang na pinangat

Pasalubong ko sa sakong kakawat

Kan an kabasogan nasagad

Santayan, an almoranas nagbururak!


Tigsik ko ining Bicol Express

Pambihirang panira, da best an namit

Maharang, sa dila nagsasabit

Malanit, maharatihit, super lupettt!


Tigsik ko ining sira na Ligo

Grabe an kadimalasan sa mundo

Ata nang pinugotan na nin payo

Ilinaog pa sa latang cellado!


Commentaires


bottom of page