SIRANG PANDAWAN

Tigsik ko an mga fiestahan

Happy an bilog na banwaan

May libreng durulaan, inoman

Pagpuli, igua pang himuloan!

Tigsik ko po si Reverendo

Sa fiesta, pirming cabisero

Pagbalik na sa kumbento

Awad-awad an bitbit kan acolito!

Tigsik ko an bisperas, wish ko lang

Bako na man paksiw, dinuguan

An tulak ko umay nang maray

Sigeng agrangay, pirmi na lang!

Tigsik ko an gawi sa fiesta

Apritado an mga bisita

Bako so mahal na Santa Misa

Kundi sa durulaan sa lamesa!

Tigsik ko an swapang na buaya

Bundat na, pirmi pang nakanganga

Naghahalat kun may dessert pa

Num, ta nakadirigwa po baga!

Tigsik ko an fiesta sa coastal

Naghanda nin sirang pandawan

Inopakan ni Bondying na mukbang

Wow! Nagpugahak sa sarawal!