Siribot Na CSNHS 74

Nag oorogma, Nag ngingiririt, Nag aarapodan, Nag iirestoryahan, Kurumustahan, Nag didisponer, iyo iyan an pinagkaka sibutan kan mga nagtapos sa Camarines Sur National High School kan taon 1974. Sinda ang inaapod na CSNHS Batch ’74 na iyo an official name sa GC (Group Chat) sa Social Media. Ninhuli kaini, an gabos na nagtapos kan 1974 inaapodan mag attender sa gigibohon na General Alumni Homecoming kan CSNHS sa Abril 20. An dapat gibohon mag post kan saindang pangaran sa GC asin hanapon an Batch Pres. Si Arlene Bongat Barias tanganing maisihan an mga dapat na gibohon para sa pag aratubang sa Reunion. An Batch 74, magkaka igua nin Gala Night sa Abril 21, asin ini aatenderan kan mga batch members na nakapag contribuer nin registration fee na P1,500 ta an okasyon maogma, may masiram na karakanan, may programa, may banda, iguang karantahan asin iguang baraylehan. Iguang mga members ang maarabot hale sa ibang nasyones arog kan America, Canada, Alaska, UK, UAE, Australia, asin Germany. An mga girls, nag sisiribot na magpatahe nin Coctail Dress, mantang ang mga boys, nagdidisponer nin Coat asin mga pahamot na ilalahid sa bado. An mga nag confirmer na maatender iyo an mga minasunod: Oliva Chavez Morino, Chris Sicam, Andres Diez, Bernardita Florenda Estrada, Aselita Jacob Casili, Bert de los Martirez, Oscar Moreno, Tess Ramirez, June Alanis Quien, Arlene Bongat Barias, Jaime Bulaong, Virginia de los Martirez Oyntzen, Precy Yanga, Ma Cyril Ros, Noema Veracruz, Naidy Ros Abella, Baby Pillogo, Don Penolio, Elma Tolentino, Alda Susan, Susan Gavino, Matet Rosales Roy, Fe Javier, Roel Benosa, Roseller Lomeda, Nestor Ablay, Juan Aldin, Rellie Aluzan, Narciso Suz, Francisco Mejaro, Myrna Reforsado Pontejos, Leony Ronquillo, Tess Marana Camata, Ena Dollano Molave, Hygiea Aureus, Salve Malapo, Lida San Luis, Elizabeth Libutan Laynesa, Ed del Puerto, Edna Punzal, Romy Saludes, Jose Rey, Ben Perez, Carlos Dizon, Felicisimo Francisco, asin iba pa, ta igua pang pinag hahalat na mag confirmer ta an iba yaon sa harayong lugar asin an iba igua pa nin ibang commitment alagad pinaglalauman na makaka attender sa Grand Reunion. Iyo ini an batch sa Camhi, na kung sain nagpoon an libreng Nutribun asin an NCEE.