SLEEPING BEAUTY

Tigsik ko si Manay Merit

Sa Manila an pagkayod hirit

Nag-uli sa Barangay Talidtid

Pasalubong, duwang latang biscuit!

Tigsik ko an durat na si Kikay

Bakong malinikay, kinagat kan ukay

Huminuyom envez na mag-agrangay

Siram sana, an mata puminungay!

Tigsik ko si Coring Aringkingking

Amay na nagparakaringking

Binukingking kan playboy na duling

Sarong docena an mga tsikiting!

Tigsik ko si Maria Marikit

Sinaklot kan diwit, dinara sa langit

Binukaka an duwang singit

Nag-alisngaw, abaa nang pasit!

Tigsik ko an diyosang si Venus

Sa istambay nahulog an boot

Sa angog tuminubo an ponggod

Kan nahinog suminakat sa lanob!

Tigsik ko man an Sleeping Beauty

Mayong pag-alamaam sa nangyayari

Nanok an pagturog kada banggi

Nag-aatot-atot, ruluwas an panty!