Solar Road Studs proj kan DPWH sundo na sa Brgy Pacol

Aldaw sagcod matangang banggui an patrabajo kan Department of Public Works and Highways (DPWH) sa Baras, Canaman, Camarines Sur kan Camarines Sur 3rd Engineering District sa Solar Road Studs (SRS) poon sa kanto kan Magsaysay Ave.-Peñafrancia Ave., Brgy. San Felipe sundo sa Brgy. Pacol, Ciudad nin Naga.

An proyecto pigponan na iimplementar kan DPWH kan Mayo 2023 asin posibleng matapos ngunian na Hunyo 2023 kun dai tikapohon sa materiales an kontratistang Philworks Construction and Supply.

Dawa tolong barangay na anas national road na inaagihan kan proyecto hale sa Peñafrancia Ave. sundo sa Barangay Pacol alagad cinco kilometros sana an laba.

Solar Road Studs project sa kalabaan kan Kilometro 5, Zone 7 kan Barangay Pacol, Ciudad nin Naga. (dpa)

Katuyohan kan pagbugtak kan SRS bilang giya sa motorista nganing maibitaran an aksidente sa tinampo. Kun banggui nagtataong dagdag na liwanag sa tahaw asin sa mag ibong na gilid kan tinampo.

Yaon na sa itaas na barangay sa national road kan Barangay Pacol an patrabajo kan kontratista.

An lokal na gobierno kan Ciudad nin Naga sa pamamayo ni Alcalde Nelson Legacion nakahagad nin fondo ki Senador J.V. Ejercito.